Les mots surlignés font l'objet d'une note
1Reçue à Grenoble, le10 mars 1573.
2Monseigneur, j’ay receu la lettre qui vous a plus
3m’escrire et par icelle me commander que ie preigne
4la charge de commander à ceux de la ville
5pour le service du roy, de quoy ie suis deliberé
6en cella et en toutes aultre chose, tant
7petit soit il ou grand, que je ne espagnerey
8ny vie ne bien et tout le desir que
9j’ay et de faire chose qui vous soit
10agreable. J’espère, mès que Dieu ne m’oste
11l’entendement, faire en sorte que serés
12contant de ce que m’aurés mys en charge.
13Monseigneur s’en allant le consul Chapponnay
14pardevers vous pour vous remonstrer
15certaines choses qui sont de consequence
16pour le service du roy, ie vous ay bien voulu
17dire ce petit mot en passant, que en
18ceste ville je[sic] ne sommes si grand
19nombre de catholicques que vous
20pourriés penser, et le nombre de
21ceulx qui se sont catholisés surmonte
22le nostre. Touchant aux gardes
23que nous faisons, iusques alheure presente
24sont assés bonnes, mais à ceste heure
25que les besongnes accommancent advenir
26nous serontz fort foybles, car la plus
27part d’iceulx qui font la garde sont
28[254v°] paysantz et sont si bon nombre que
29je ne vous diray, mais le vous dira
30le consul Chapponneys. Je pense que par
31ledit Chapponnay vous nous commanderés
32ce que vouldrés que nous ferions, que
33feray fin par la presente par mes très humbles
34et obligé recommandations à votre bonne
35grace et vous suppliant, monseigneur,
36que m’ayés tousiours à votre bonne
37souvenance et si par fortune vous
38employés quelques ungs, je vous
39supplie ne m’oblyer, car vous ne
40scauryés employer le bien a personne qui
41vous soit plus fidelle serviteur que
42moy. Prient Dieu vous donner,
43monseigneur, en santé, très heureuse, prospère
44et longue vie. De votre maison à Valence,
45ce 8 mars 1573.
46Votre très humble et oblygé servyteur à jamès
47Loryant
4849
[brouillon de la réponse de M. de Gordes en marge du folio 254]
50Cappitaine Laurian,
51j’ay receu votre lettre
52par le conseul Chaponay
53present porteur.
54Je n’ay jamays
55doubté de votre bonne
56volunté. Vous verrés
57ce que j’ay respondu
58aux articles qu’il
59m’a presenté. Je
60suis marri que je
61ne puis mieulx
62pour la vile ; mays
63attendant ce que
64je porsuis de sa
65magesté, il fault
66fère de necessité
67vertu car s’il
68mesadvenoyt ce
69seroyt prejudice
70et interest au service
71du roy et
72du païs, mays
73les gens de bien de
74Valence en soufreroyent
75le plus.
76[mots barrés] A quoy toutes
77foys en ce que j’ay peu,
78j’ay remedié y
79ayant mis une
80compagnie de II c[ents]
81hommes pour votre
82garde aux despens
83ce qui n’a esté
85fayct en vile du
86Daulphiné qui
87se gardent d’eulx
88mesmes, si non
89Die mays chascung
90scait bien pour
91quoy que si elle estoyt
92aux termes de
93Valence, je n’en
94y eusse poynt mis.
95Au reste se presente
96tant occasion pour
97votre particulier
98vous me trouverés
99à votre commandement
100d’aussi bon cueur
101je me recommande
102à votre bonne grace et
103prie Dieu cappitaine Lorian etc.